Ferrol, 18 de novembro de 2020
Ferrol en Común quere amosar o seu apoio para todos os sectores afectados polas restricións impostas pola situación sanitaria da Covid-19. Unha vez máis poñémonos do lado dos hostaleiros/as, autónomos/as, profesionais, ocio nocturno, sector cultural, traballadores e traballadoras de tódolos ámbitos que se ven afectados por unhas limitacións totais a súa actividade que os privan os ingresos necesarios para subsistir.
Sabemos que as restricións son necesarias por motivos sanitarios, pero deben vir acompañadas de medidas económicas que poidan paliar o duro golpe que están a sufrir estes sectores vendo como as súas contas quedan a 0, despois de tentar aguantar o primeira ola da pandemia.
Dende Ferrol en Común, consideramos que todo recurso é pouco e toda axuda é necesaria dende todas as administracións. Deben tomarse medidas urxentes e extraordinarias para que ninguén quede atrás.
