Ferrol, 19 de novembro de 2020
O servizo de axuda no fogar é unha prestación que ofrece o Concello de Ferrol para atender a persoas ou familias no seu propio domicilio, e que poidan precisar dunha axuda para o seu desenvolvemento persoal. Este servizo é un dos máis necesarios en todos os concellos pois a cobertura que ofrece mellora a calidade de vida dos/as usuarios, posibilita a permanencia nos seus fogares, favorece o desenvolvemento da súa autonomía persoal e sen supoñer unha barreira para o seu núcleo social e familiar. Todo isto, converte a este servizo nun dos contratos máis importantes do noso Concello, supoñendo un desembolso por parte das arcas municipais de ata 20 millóns de euros en 4 anos.
A nova lei de contratos veu a introducir algúns cambios que as administracións públicas deben de solventar do mellor xeito posible e sempre dentro da legalidade vixente, polo que, é sorprendente ver coma o goberno local intenta designar coma responsables deste contrato de axuda no fogar, a persoal técnico da área de benestar social, cando ese nomeamento extralimita as súas funcións, ademais de non poseer os coñecementos necesarios en materia de contratación, coma así o indica a natureza dos seus postos: son técnicos/as de servizos sociais.
As propias traballadoras, así o fixeron constar nun recurso interposto o pasado 2 de setembro, onde alegan non estar capacitadas para desenvolver esa responsabilidade, ademais de ser elas mesmas as designadas coma “unidade de seguimento do contrato”, función que sí entra dentro das súas tarefas e que debe exercerse con total independencia con respecto ao responsable do contrato, tal e como consta nas normas legais vixentes.
Hoxe, levouse a Comisión de Benestar Social, Igualdade, Muller, Mocidade e Patrimonio Histórico, a proposta ao Pleno para desestimar este recurso interposto polas traballadoras afectadas da área de Benestar Social, sen aportar ningunha outra documentación máis que a propia proposta asinada unicamente pola Concelleira titular da área. Sen ter coñecemento do que estar a pasar, máis que existe un conflito entre traballadores/as e goberno municipal, Ferrol en Común, solicitou a retirada do punto da orde do día.
Dende Ferrol en Común consideramos que o goberno local non está a actuar dunha forma adecuada, cando as propias compañeiras de Benestar Social denuncian a non aceptación da responsabilidade que este goberno quere impoñerlles a toda costa, cando en calquera outra cidade a responsabilidade de calquera contrato non recae nos técnicos/as da área.
Ferrol en Común non vai a apoiar esta proposta do goberno local por considerala negativa para as traballadoras de Benestar Social, denuncia que elas mesmas están a facer. Agardamos que, cando o goberno de Mato quédese só coas súas propostas, sexa quen de mirar ás traballadoras e rectificar na súa intención de impoñerlles enriba responsabilidades que non lles corresponden.