Ferrol, 21 de decembro de 2022
Dende Ferrol en Común vimos de observar nos últimos tempos os diferentes proxectos referidos ao espazo do Sanchez de Aguilera e sorpréndenos o descoñecemento que mostran as forzas políticas locais sobre a existencia do que se pode considerar coma o único taller cultural municipal, referímonos á aula de cerámica, perfectamente equipada con fornos e outros elementos que fan un espazo absolutamente adecuado para a practica e ensino desta disciplina.
Sen embargo, non podemos asombrarnos deste descoñecemento xa que no que vai de mandato non se ten realizado nin un so curso de cerámica, unha práctica habitual dende fai moitos anos que se desenrolaba dende a area de cultura ou dende a area de muller, e que tiña unha enorme aceptación, pois sempre se esgotaban as prazas existentes, quedando xente en lista de agarda.
Cando FeC volva a xestionar a cultura desta cidade, dará continuidade a este taller municipal, pois entendemos que é fundamental no que ten que ver con esta area, unha area na que tampouco houbo ningunha actividade relacionada co taller de gravado existente no Centro Torrente Ballester, absolutamente abandonado durante este mandado.
Este taller era un complemento ao premio Maximo Ramos de Gravado, o máis importante do estado e o mellor dotado economicamente. Un premio que é, ou máis ben era, unha auténtica xoia da vida cultural da cidade e que servía para encher os fondos artísticos do Concello. O certame tiña carácter bianual, e despois de advertir fai meses ao goberno local que de non ser convocado este ano xa irían dúas edicións que non se celebra, entendemos que vai quedar en branco durante o goberno de Angel Mato.
Dende Ferrol en Común consideramos unha autentica deixadez e un total abandono das artes plásticas por parte do goberno local, unhas artes que dalgún xeito permitían á cidadanía non ser soamente espectadores da cultura se non realizar o papel de creadores da mesma a través dos taller formativos que xa non se fan dende o concello.
