Ferrol, 12 de xaneiro de 2023
A Bibioteca Municipal da nosa cidade leva en deterioro máis dun ano, tempo suficiente para que o goberno local buscara solucións aos problemas que ían aparecendo e aos problemas que sabía que ía a vir, coma o que está a pasar agora, que soamente conta con 4 traballadoras polo que o seu horario de apertura veuse reducido a tan só a mañá.
A biblioteca dunha cidade é un servizo público e fundamental que debera coidarse por calquera goberno que ocupe o Pazo Municipal, pero levamos moito tempo vendo coma a Angel Mato impórtalle moi pouco a biblioteca e todo o que ten que ver coa cultura da cidade, pois nin escoita nin dialoga, nin aplica as solucións que existen para volver a ter unha biblioteca a pleno rendemento.
Ante esta situación inaudita, Ferrol en Común quere poñer en valor a implicación total das traballadoras da biblioteca e a súa loita por impedir un peche que cada vez parece estar máis preto, mentres o Alcalde da cidade comparte nas súas redes sociais o horario das bibliotecas e espazos de estudo do Campus Universitario de Ferrol.
FeC alertou multitude de veces do perigo de chegar a esta situación na que a biblioteca da cidade atópase en “rebaixas” e tamén instou ao goberno local a traballar na búsqueda de solucións, pero semelle que é unha cuestión que non lles preocupa o máis mínimo.
Por todo isto, queremos facer constar o noso total apoio ás traballadoras da biblioteca, aos usuarios e usuarias que non poden utilizar un servizo público nas condicións adecuadas e en definitiva, apoiar a manifestación convocada para o luns 23 de xaneiro ás 18.00h na propia Biblioteca Municipal arengando a toda a veciñanza a acudir á cita.