Ferrol, 20 de maio de 2023
Ferrol en Común quere expresar as súas condolencias polo tráxico accidente acaecido no día de hoxe no estaleiro de Navantia Fene, que lle custou a vida a un operario de Windar.
Dende a nosa organización queremos darlle o pésame as súas amizades e familiares, e todo o ánimo aos seus compañeiros e compañeiras de traballo.
Para o esclarecemento dos feitos, e que sucesos coma este non se volvan repetir, demandamos unha investigación rigorosa, que analice as causas que determinaron tan fatídico accidente.
Por outra banda, queremos incidir na necesariedade de que se adopten todas as medidas de prevención necesarias no estaleiro, sen que se antepoña o beneficio económico a calquera mínimo risco para a saúde dos traballadores e traballadoras.