Vicevoceira do Grupo Municipal Ferrol en Común
Nacín na Coruña fai 38 anos, de onde marchei aos 6 anos. A miña infancia e xuventude pasou a cabalo entre Ourense, a terra da miña nai, e Noia, a terra do meu pai.
Marchei a Compostela no 98, onde inicie estudos de Filoloxía Inglesa, e comecei a miña militancia política. No ano 2001 inicio estudos de Traballo Social, motivada en gran parte por buscar unha profesión coa que puidera contribuír a loitar contra as inxustizas e traballar por modificar as condicións sociais das maiorías agredidas.
Traballei en diferentes concellos, administracións e entidades sociais, até que fai 5 anos comecei no Servizo de Psiquiatría desta área sanitaria como traballadora social.
Tamén son militante de Anova dende a súa constitución en 2012, e participo de Ferrol en Común dende os seus inicios no 2015. Para min a política é un instrumento para colocar as institucións ao servizo das máis, e agardo contribuír a facer de Ferrol unha cidade socialmente xusta, sostible, feminista e democratica