Ferrol en Común é un espazo aberto á participación de todas as persoas que compartan os nosos principios políticos.
Estructuramos a nosa organización en diferentes órganos de decisión e grupos de colaboración.
— Persoas inscritas e simpatizantes —
Calquera persoa que así o desexe pode formar parte de Ferrol en Común. Tan so deberá manifestalo de forma individual asinando o Manifesto Fundacional e o Código Ético.
— Asamblea Xeral —
É o máximo órgano de decisión de Ferrol en Común e está constituída polo conxunto das persoas inscritas en FeC ao corrente das súas obrigas.
A súa convocatoria será trimestral e de forma presencial. Nela trataránse cuestións estratéxicas e renderase contas da xestión política interna e externa de FeC e da súa acción institucional.
— Coordinadora —
A Coordinadora é o órgano encargado de executar o traballo político de Ferrol en Común.
Estará composta por un mínimo de 11 persoas, das cales 10 serán escollidas pola Asemblea de FeC, e cando menos unha persoa que será designada polo Grupo Municipal de entre os seus membros, con dereito a voz e voto. O persoal contratado por FeC con funcións políticas asistirá ás xuntanzas da Coordinadora, con dereito a voz, pero non a voto. Esta órgano renovarase cada 2 anos.
— Grupos de Traballo de FeC —
Son grupos deliberativos e de apoio ao grupo municipal.
A Asemblea Xeral de FeC poderá aprobar a súa creación poidendo ser de carácter temático ou territorial.
— Comisión de Mediación e Garantías —
Estará conformada por cinco persoas escollidas polas Asemblea Xeral, e a súa composición será paritaria. Velará polo cumprimento dos presentes Estatutos e o Código Ético de Ferrol en Común.