FeC apoia á Agrupación das ANPAS locais de As Pontes ante os novos recortes na oferta educativa da vila

IES Castro da Uz (As Pontes)

Ferrol en Común  en solidariedade cos asinantes do Manifesto Abrente (Agrupación de ANPAS LOCAIS da vila) amosa o seu rexeitamento aos recortes que se veñen aplicando polo PP nos últimos tempos, que afectan especialmente ao ámbito educativo, sanitario e administrativo en Galicia e neste caso conreto á vila de As Pontes. O que pretenden dende o PP é mermar os servizos públicos ofertados nas vilas deixándoas, así, esmorecer pouco a pouco.

Neste sentido a supresión dunha liña de bacharelato no IES Castro da Uz nas Pontes de As Pontes refuxiándose en banos argumentos e en estatísticas interesadas, sen escoitar aos veciños, nin querer atender as demandas da comunidade educativa, é un exemplo máis da política de rodelo e desmantelamento dos servizos públicos que está a levar o PP con recortes e privatizacións. Neste caso o goberno de Feijoó toma unha decisión drástica na que non se deixa opción a elixir, nin a aportar suxestións ou novas propostas por parte dos pais e nais ou do mesmo profesorado do centro.

Entendemos que o que está acontecer en As Pontes con continuos recortes na oferta educativa da vila non é máis ca unha mostra máis da política educativa do PP (tanto na Xunta coma no Estado) cun ataque continuado a educación pública, recortando recursos humanos e materiais, ateigando as aulas, sumprimindo oferta educativa nas vilas e cidades, e todo isto complementado cunha falta de diálogo absoluta coa comunidade educativa, sen atender as necesidades e demandas dos veciños e veciñas.

Dende FeC sempre apoiaremos e defenderemos o ensino público e de calidade, coa dotación de recursos públicos, por iso amosamos a nosa solidariedade coa Agrupación de ANPAS locais de As Pontes, e apoiamos a mobilización do vindeiro xoves ás 12.00 h da mañá fronte a delegación territorial da Xunta de Galicia na Coruña.

Unha mobilización para esixir non só xa unha porta aberta ao diálogo, senón tamén a reconsideración da decisión sobre a supresión da liña de bacharelato, obrigando a sumar nun mismo centro a todos o estudantado masificando as aulas e por conseguinte mermando a calidade educativa e sen ter en conta a atención especial de alumnos e alumnas con diversidade funcional que precisan atención especializada. Ademais de todo iso tamén reducindo a oferta formativa da vila, baseándose como xa dixemos en meras previsións e estatísticas sen ter en conta outros criterios de valoración.

FeC por tanto apoia a exisencia da comunidade educativa de As Pontes respecto a permanencia do bacharelato no IES Castro da Uz e no Moncho Valcarce, e que os veciños e veciñas, pais e nais teñan o dereito de elixir e o dereito a recibir unha educación pública e de calidade, sen máis recortes nin mermas, das que xa leva sufrindo esta vila nos últimos anos por parte do goberno de Feijoó.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s