En Marea preguntará no Parlamento pola precarización do persoal de Ferrovial encargado do servizo de limpeza dos hospitais de Ferrol

Ferrovial renovou o contrato co Sergas por un millón de euros máis, pero empeorou as condicións dos traballadores e traballadoras.

As deputadas de En Marea Eva Solla e Paula Quinteiro, acompañadas do alcalde de Ferrol, Jorge Suárez e os concelleiros de Emprego e Benestar Social, Álvaro Montes e Saínza Ruíz, mantiveron unha reunión esta tarde con representantes do comité de empresa de Ferrovial (antiga Ferroser), adxudicataria do servizo de limpeza do Complexo Hospitalario Universitario de Ferrol (CHUF).

Durante a xuntanza, os traballadores trasladaron o seu descontento perante a precarización das súas condicións de traballo malia verse incrementado o importe do contrato do SERGAS coa empresa nun millón de euros con respecto ao periodo anterior. Lonxe de repercutir este aumento na mellora da prestación do servizo e en recuperar para os traballadores a perda salarial aplicada durante os anos de recortes, Ferrovial non cobre a maior parte das substitucións, a pesar de teren asignados o mesmo número de metros cadrados que figuraban nas plicas da anterior contrata.

As deputadas de En Marea Eva Solla e Paula Quinteiro comprometéronse a rexistrar no Parlamento de Galicia unha batería de preguntas ao Goberno Galego para que explique os criterios polos que Ferrovial se fixo con esta adxudicación, “mediante pregos que parecen deseñados a medida para incrementar os beneficios da empresa a costa de precarizar as condicións de traballo do seu persoal”.

O alcalde de Ferrol, Jorge Suárez, trasladou o apoio do goberno local e solidarizouse coa situación dos traballadores, que non descartan retomar as mobilizacións  para defender os  seus dereitos.

Advertisements

Deixar unha resposta

introduce os teu datos ou preme nunha das iconas:

Logotipo de WordPress.com

Estás a comentar desde a túa conta de WordPress.com. Sair / Cambiar )

Twitter picture

Estás a comentar desde a túa conta de Twitter. Sair / Cambiar )

Facebook photo

Estás a comentar desde a túa conta de Facebook. Sair / Cambiar )

Google+ photo

Estás a comentar desde a túa conta de Google+. Sair / Cambiar )

Conectando a %s