Ferrol, 24 de decembro de 2022
Ferrol en Común ven de coñecer que de novo, o sistema de acceso dos nenos e nenas para participar na cabalgata dos Reis Magos será mediante a inscrición no rexistro municipal por orde de chegada.
Dende FeC consideramos que esta forma de escolla é pouco xusta e optamos polo método do sorte. Igualmente, os nenos e nenas da cidade terían que inscribirse a través do rexistro municipal pero logo, de entre todos/as eles/as, faríase un sorteo para escoller aos que finalmente van a participar, tal e coma se facía durante o noso mandato.
O método de “por orde de entrada” soe acarrear problemas á hora de determinar que solicitude entrou antes, pois chegan tanto por vía telemática como por vía presencial. Ademais xéranse largas colas e inquietude entre os pais e nais que acoden ao rexistro e para rematar, hai moitas persoas que non dispoñen de medios telemáticos para realizar o rexistro.
Todos estes motivos fixeron que no seu día, FeC, decidira aplicar o método do sorteo, algo que nos parece máis xusto, asegurando garantías de igualdade. Ademais de ter moi boa acollida entre a veciñanza que ten interese en participar na Cabalgada de Reis Magos.
Por todo elo, FeC pídelle ao goberno local que retome o sistema do sorteo por consideralo máis xusto e igualitario.