Ferrol, 8 de xuño de 2022
Hoxe, despois de 2 meses de paros, as traballadoras e traballadores da biblioteca municipal realizarán unha nova xornada de folga para seguir reclamando máis persoal e frear o deterioro do servizo. Así mesmo, rexistrarán máis de 900 sinaturas recollidas entre os usuarios e usuarias da biblioteca e a cidadanía en xeral, a cal comparte a demanda dun servizo público de biblioteca de calidade coma víñase prestando ata o momento, no que a merma na plantilla está a causar numerosos inconvintes no uso deste espazo público.
O pasado domingo, o alcalde Angel Mato, dicía nunha entrevista na prensa que “los conflictos de ámbito laboral abiertos tenían más que ver con el momento del mandato en el que estamos que con ninguna otra cuestión”, desprezando así as reivindicacións dos propios traballadores e traballadoras do Concello do que é Alcalde e cos que nin se queira mantén un diálogo fluído para poñer solución a dito conflito.
FeC considera inaceptable esta situación na que o persoal de bibliotecas ten que manifestarse nas portas do Concello agardando que o goberno municipal lles escoite e busque unha solución ao problema, mentres tratan de sacar adiante un Plan Integral de Cultura, unha contradición que manifesta que o goberno municipal actúa por libre e o que menos lle interesa é coñecer os verdadeiros problemas da cidade neste ámbito.
Dende FeC, pedímoslle ao goberno local que se tome en serio as reivindicacións do persoal de biblioteca, que non son soamente súas, se non da cidadanía en xeral coma así reflicten ás preto de 1000 sinaturas recollidas, e comece un diálogo cos traballadores e traballadoras deste servizo e unha búsqueda conxunta de solucións para poñer fin ao deterioro da biblioteca municipal, un servizo prestado íntegramente por persoal municipal, cunha gran implicación e calidade. Algo do que sentirnos orgullosos e coidar non de deixar caer.