Ferrol, 11 de novembro de 2022.
Na xunta de voceiros do día hoxe, Jorge Suárez, voceiro de FeC, interesouse polas xestións realizadas para ofrecer Ferrol como enclave estratéxico para o desenvolvemento dunha planta que acarraerá milleiros de postos de traballo directos e indirectos. Máis alá de siglas ou partidos interesou unha fronte común entre Corporación Municipal, Autoridade Portuaria, organizacións sindicais e empresariais, co fin de ofrecer unha alternativa sólida como ubicación para Maersk, que conte co apoio social e institucional suficiente co fin de amosar unidade e solvencia como sede.
Ferrol en Común considera unha oportunidade única para revitalizar o tecido socioeconómico da comarca a construción desa instalación, que ben puidera ser punto de inflexión para volver considerar a nosa cidade como o principal polo industrial do norte do país, xerador de emprego de calidade, punta de lanza e tractor económico doutros sectores a día de hoxe precarizados, polo que pide altura de miras e facer desta bandeira unha cuestión de cidade, pulando por unha unidade que cando menos xenere unha alternativa e faga á industria vernos como opción seria, posible e solvente.
