Nesta primeira xuntanza, acordouse o calendario de traballo para a preparación do encontro do 30 de xullo en Vigo, no que agromará unha candidatura de confluencia para as eleccións galegas.
A comisión xestora que está a preparar a Marea Constituínte do vindeiro 30 de xullo, reuniuse esta tarde por primeira vez na Coruña. O encontro que serviu para definir o calendario de traballo cara este encontro no que agromará unha candidatura de confluencia para as eleccións galegas.
En especial, fixouse o prazo e as condicións para solicitar achegas aos textos que serven de base ao proceso, e que foron aprobados por amplo consenso polas Mareas en Común: regulamento de primarias, código ético para os cargos electos, forma de goberno e organización interna da confluencia.
A segunte xuntanza será o sábado 23 de xullo en Compostela para continuar a traballar na organización da Marea Constituínte.
A comisión xestora está formada polos alcaldes de Compostela, Martiño Noriega; A Coruña, Xulio Ferreiro; e Ferrol, Jorge Suárez, por representantes dos partidos políticos do espazo de En Marea e tamén das Mareas en Común, entre outros axentes do cambio. O obxectivo desta comisión é preparar o encontro de Vigo, unha vez conseguido autodisolverase.
