Ferrol, 19 de xaneiro de 2022

A Cabana é un barrio que se encontra nunha contorna idílica pero que non conta co mantemento adecuado para que os poucos servizos que ten atópense nun estado axeitado para o seu uso. Isto é o que está a pasar coa pista polideportiva, o seu arranxo é unha demanda que os veciños e veciñas deste barrio están a reclamar dende fai demasiado tempo.

FeC xa solicitou ao goberno local que se incluíra unha partida nos orzamentos para a reparación dos peches perimetrais da pista deportiva así coma das súas porterías que se atopan nun estado deficiente que incluso pode ser perigoso para a rapazada que acode a xogar asiduamente a este espazo.

Ante a inminente convocatoria dos fondos POS, FeC quere insistir de novo na necesidade de reparación desta pista deportiva da Cabana, propoñendo a súa inclusión dentro dos proxectos que o goberno local presente para o Plan de Obras e Servizos que convoca a Deputación da Coruña cada ano.

Recorte dos fondos do POS para Ferrol

Doutra banda, dende Ferrol en Común, consideramos que a Deputación da Coruña está a maltratar a nosa cidade rebaixando cada ano que pasa a cantidade consignada no Plan de Obras e Servizos.

Gran parte da nosa cidade é rural e estes fondos da Deputación van destinados en case a súa totalidade a mellorar os servizos destas zonas e barrios, polo que un recorte nos fondos significan que a zona rural queda sen a penas recursos para acometer as demandas que cada ano precisan.

O ano pasado, FeC xa puxo de manifesto gran minoración no reparto de fondos que sufriu a nosa cidade por parte da Deputación da Coruña fronte ao silencio do goberno municipal. Este ano volvemos a presenciar a mesma escena, unha Deputación que fai unha achega que non alcanza nin os 60.000€ e un Alcalde calado, sen reclamarlle nada e sen loitar polos intereses da cidade que goberna.

Así mesmo, dende FeC, consideramos que se Valentín Formoso chega á Xunta de Galicia algunha vez e vai desenvolver este modelo de xestión e reparto, Ferrol pódese ir preparando, pois cada ano demostra a pouca importancia que ten para el a nosa cidade.

AnoPOS+POS Adicional
2018859.037,55€180.850€ + 86.419€
2019753.659€444.600€
2020534.845€45.325€ + 169.971€
2021477.554€158.120€ + 282.358€
2022316.572€56.988€